السلام عليكم ورحمة الله وبركاته
الحمد الله الذى خلق الإنسان فى أحسان تقويم وجعله خليقة على العالمين ليكون على المنكر معرضين وعلى الإحسان عاملين
والصلاة والسلام على سيد المرسلين محمد الأمى القائل إذا رائي احد منكم منكرا فليغير بيده وانلم يستطع فبلسانه وان لم يستطع فبقلبه وذلك اضعاف الامان اما بعد
Yang saya muliakan para alim ulama’ terkhusus pengasuh Madrasah Ibtidaiyah...............beserta segenap keluarga yang saya hormati dan saya to’ati حفظهم الله فى الدرين امين
Segenap jajaran asatizd dan pengurus Madrasah Ibtidaiyah ........................ beserta rekan-rekan santri se-iman dan se-perjuangan رحمكم الله
Segenap aparatur pemerintah baik sipil maupun meliter terutama bapak Kepala Desa .......................... beserta segenap perangkatnya yang saya hormati.
Den segenap undangan wali santri maupun simpatisan yang saya muliakan.
Al-hamdulillah, tiada ucap yang lebih inda selain untaian tahmid memuji kehadirat Alloh Saw sebagai wujud syukur kita atas segala nikmat yang telah Alloh limpahkan kepada kita seklain.
Seholawat serta salam semoga tetap tercurahkan keharibaan baginda Nabi Besar Muhammad Saw, satu-satu nabi yang meraih kesuksesan gemilang dalam waktu yang amat singkat, hingga sampai detik ini “ al-Hamdulillah “ kita masih menjadi hamba Alloh dalam artian yang sebenarnya, oleh karena itu sudah sepantasnya kita bersalawat mendo’akan beliau sebagai ungkapan terima kasih yang amat dalam.
Hadirin para undangan dan adik-adik santri rohimakumulloh.
Dalam islam kita sangat dianjurkan untuk senantiasa menuntut ilmu, mulai dari gendongan ibu sampai kelak kita masuk keliang kubur, oleh karena itu Alloh sangat memuliakan orang-orang yang selalu mengisi dirinya dengan ilmu-ilmu agama, sa-engke edelem hadits epon kanjeng Nabi adebu: tadek eduyyah nikah kejebenah oreng se-ngajer ben oreng-oreng se-ajer, mon epamadureh pole: tak eanggep oreng kajebenah oreng se-ngajih ben oreng se-molang, mon e-pamadureh pole: coma se-ngajih sareng oreng se-molang sareng Alloh se-anggep oreng, se-lain...?! tak oneng pola e-anggep reng-orengn..!. Yang demikian itu adalah gambaran betapa besar keutamaan dan fahala orang yang menuntut ilmu dan mereka yang mengajarkan ilmunya, deddih ta-potranah sampeyan se-ngajih neng madrasah ka’dintoh insya-Alloh sareng Alloh bekal e-genjereh kalaben genjeren se-rajeh, sapanekah juken oreng sepponah, manabih gi’ odik maka sareng Alloh bekal e-pajember odi’ epon, manabih ampon sedeh insya-Alloh norok cellep e-delem kobureh, tapeh sabelikkeh, manabih anak epon sampe’ buduh, tak oneng elmoh agemah, se-etabeng namong ijazah, saengge ebedenah car-kacer tak paraduh mongku Alloh, kong-langkong sampe’ ngalakonih maksiat, makah oreng sepponah jugen miloh, sa-odik odik’in tak bekal jember, sa-sedeh e-kerem apoi sareng anak epon, le...! nikah anak mon lakadung sala teponah!. Para rabu se-padeh mioleh. Benni pas e-larang asakolah umum, ngereng, nyatoreh male padeh ekolleh, tapeh elmoh agemanah je’ sampe’ ekaloppaeh, kernah coma elmoh agemah se-bekal nyalamat-aki abe’ pagi’ neng areh qiamat, duh napah artenah ageduwih anak atitel doktor, insinyur, profisor lamun tak bisa aduwe’agi oreng, tak oneng maos: Robbigh firli wa liwalideyya, percoma akeduwih anak nga’ nekah, agu’an tak akeduwih anak male tak wet-rowet.
Permilah derih ka’dintoh mompong ki’ tak terlambat ngereng pangajih potranah, je’ sampe’ kauleh sadejeh dedih oreng se-kastah paki’ neng ajunan epon Alloh swt, sabeb tadek kabungaan se langkong rajeh kajebenah akeduwih anak soleh, se-ngabekteh de’ reng seppo duwek, ben tak mungkin anak deddih soleh manabih tek oneng elmoh agemah, aduh punganah reng sepponah andik anak soleh, gurunah sanajjen tak noro’ andik anak ngampong punga skaleh, sabeb manabih anak kelle’ alakuh kabegusen kurunah miloh dek kenjernah, akitih Ustadz ...................... ka’disah punga manabih ageduwi santrenah se-deddih anak se-soleh, enggi termasok kauleh, kauleh norok punga sabeb kauleh e-tugas derih ponduk kanggui apentoh ngajer neng lembaga pendidikan ka’dintoh, sanajjen kauleh dibi’ ki’ tak ro-karoan, sae derih ka-elmuan kauleh ki’ tadek pana-panah, derih segi pola tengka, kauleh dibi’ ki’ aromasah tak teppa’ alias sekkut den-beden, enggi.... mon ca’ epon oreng ustazd, mon pola tengkanah ama sekali tidak mencerminkan tingkah laku seorang ustazd.
Milanah derih ka’ dintoh, slama sa taon kauleh along polong sareng masyarakat ka’dintoh, ampon tantoh beden kauleh benyyak ngalakonih tengka-tengka se-tak perjugeh, sae esangaja otabeh loppah, sae aropah debuen se-nyinggung otabeh nyake’eh atenah masyarakat ka’dintoh kong-langkong beleh tatanggkeh e-sakitar madrsah, otabeh aropah pola tenggka se-korang patot monggu masyarakat ka’dintoh beden kauleh atas nyamah guru tugasen nyo’on saporah se-tade’ betesseh, jukenan kauleh nyo’on dek masyarakat ka’dintoh, manabih tengka kauleh tak patot maka ce’sampe’ beh-ngibeh ponduk, sabeb tengka-tengka se-tak sae ka’dintoh murnih meddel derih pribadi beden kauleh dibi’ benni derih ponduk, sabeb kuruh sareng ponduk kauleh slalu adidik beden kauleh kadih napah pola tengka se-sae, kadih napah akhlak se-moljeh, engki.... serrenah kauleh manussah, se-tak lopot derih ka-kaleroan sareng ka-salaan, saengge meddel pola tengka se-korang sae sareng korang per jugeh, tapeh panjennengan sadejeh je’ sampe’ akeduwih prasa’an “ enga’ roah roh mon santreh Assirojiyyeh...! nikah nyamanah maes juko’ sa bak, jek maesen jukok sa ebbak ki...., sabeb tak sadejenah santreh Assirojiyyah akeduwih pola tengka se-akadih guleh, manabih guleh ngara keng teppa’ santreh se-lopot. Hadirin rohimakumulloh. Saumpamah masyarakat ka’dintoh akeduwin sangkot-paot sareng beden kauleh, nikah sa- ompamanah enggi, nyatanah kauleh dibi’ sa-abiddeh sataon tak manggi debuen kasar otabeh perlakuan se-tak sae derih masyarakat ka’ dintoh se-etojjuaki de’ beden kauleh, le.... saompamah bedeh, makah kalaben ateh ikhlas beden kauleh siap nyaporah dunyyah wal akhirat, kadih napah saos kasala’nan epon, sae kene’ otabeh rajeh, e-sangaja otabeh bunten, ngereng patang saporah enggi... saengge paki’ kauleh sadejeh ebektoh ngadep de’ ajunan epon Alloh tak ageduwih sangkot-paot antarah sittung sareng se-laen, sabeb se-anyamah hak ademi ka’dintoh pak... buk... aropa’aki sittung tanggungan se-sanget berre’ mongku ajunan epon Alloh Swt, laen sareng dusah se-aropah hakkulloh, yekni dusah de’ Alloh, ken atobet kalaben taubetan nasuha yekni onggu-onggu atobet, aromasah kastah sareng anjenjih kaanggui tak abeli’ih pole, insya-Alloh, Alloh nyaporah, laen sareng dusah se berhubungan sareng padeh manusanah, se-edebuaki hakkul ademi, sanajjen atobet nyongsang-nyonglet, manabih oreng se-ekaniajeh tak nyaporah, makah Alloh tak pekal nyaporah, le.... nikah berre’en hakkul ademi mak..!
Bahkan dalam petikan hadisnya Rosululloh oneng mareksanih de’ sahabeddeh: Apanapah oneng sampeyan sadejeh, paserah se-edebuaki oreng bangkrut..? e-bektoh nikah sohabet ajeweb kalaben jeweben se-ana-bernah. Bedeh sa-ajeweb: Oreng bangkrut kandintoh Rosululloh oreng se-degengnah tak pajuh, bedeh se-jeweb pola: Oreng bangkrut kandintoh kanjeng Nabi oreng se-dedengnah tonah alis tadek bedenah, sittunggah ajeweb: Oreng bangkrut kandintoh Rosululloh oreng se-dunyyanah ela-loah oreng, mator pole se-laen: Oreng bangkrut kandintoh Rosul oreng se-tak andi’ dunyyah sama sakaleh alias oreng misken. Namung akherrah sohabet sapakat ajeweb:
“ Allohu we Rosuluhu a’lamu “ coma Alloh sereng Rosul epon se-oneng. Pas adebu Rosulluloh: Se-anyamah oreng bangkrut jriyah sohabet benni oreng se-dedengnah tak pajuh, benni oreng se-dedengnah tonah, benni oreng se-dunyyanah ela-lolah oreng, jukenan benni oreng se-tak andi’ dunyyah, benni...! tapeh oreng bangkrut jriyah oreng se-neng areh kiamat pagi’ abektah genjeren e’bedenah de’ ajunan epon Alloh, mator oreng gelle’: Ya Alloh...! ka’dintoh genjeren sholaddeh abdinah, ka’dintoh genjeren pasanah abdinah, ga’dintoh kenjeren zekaddeh abdinah, ka’dintoh genjeren hajjinah abdinah, sa-engge oreng kelle’ akeduwin kenjeren gse-sanget benyyak, tapeh tak abid derih ka’dintoh, deteng sittung oreng mator de’ ajunan epon Alloh swt. Ya Alloh...! lerres ka’dintoh kabulenah Ajunan se-lakar lakar kenceng ibede, soladdeh bejeng, derih se-fardo sampe’ nat-sonnadeh tak pernah etinggel, lerres ya Alloh...! ka’dintoh lakar kabulenah ajunan se-lebur apasah, molaeh pasah romadonah sampe’ sennin-kemmisseh tak oneng edinah, ka’ dintoh juken kabuleh se-lambe’ tor dermawan, segud abentoh paker misken, oreng panikah jugen hajji li-beliyen de’ Mekka, tapeh oreng nikah oneng yake’en abdinah ya Alloh...! tak kalaben jelen hak abdinah ecak-koca’eh bektoh e-dunyyah, abdinah sake’ ateh ya Alloh...!, samangken abdinah nyo’on ka-adilen derih Ajunan, Alloh pas mareksane de’oreng gelle’. Hei fulan..? Apa bender be’nah bektoh e-dunyyah nyake’en oreng reyah...?! oreng kelle’ adebu. Enggi ya Alloh, cebunah Alloh. Begi kenjernah be’nah de’ oreng jeriyah pas kala’ dusanah oreng jeriyah. Tak abit deteng pole oreng lain mator de’ ajunan epon Alloh. Ya Alloh...! Lerres ka’dintoh kabulenah Ajunan se-benyyak ebede, tapeh oreng nikah bektoh e-dunyyah oneng afitna abdinah ya Alloh, sa-engge abdinah deddih jube’ nengh masyarakat, abdinah sake’ ateh, abdinah tak rido tor tak nyaporah, samangken abdinah nyo’on ka-adilen derih Ajunan, epondud pole kenjernah eparengaki de’ oreng kelle’, seddeng dusanah oreng se-efinah etompo’agi de’ oreng sa-afitnah. Tak abit deteng pole oreng laen adebu. Lerres ye Alloh ka’dintoh kabulenah ajunan se-benyyak ebede, tapeh oreng nikah oneng mokol abdinah bektoh edunyyah tak kalaben hak ya Alloh, samangken abdinah nyo’on ka-adilen ya Aloh, e-kalak pole genjernah e-parengagi de’ oreng se-epokol, seddengan dusanah e-tompok de’oreng se-mokol, ben sapanekah saterrosseh, sampe’ genjern berse dusanah nompo’ le... serrenah dusah nompok kenjeren berse, sareng malaikat pas e-yontalagi sde’ narakah. Neng akher debunah Rosululloh moler sambih adebu: Neng areh jriyeh sohabet, tade’ se-bisa nolongin abe’ kajebenah amal ebdenah beng-sebeng, jugenan tade’ sa-bisa macalak’ abe’ kajebenah dusanah beng-sebeng se-esambih derih dunyyah.
Hadist ka’dintoh minangkah gemberen de’ beden kauleh sadejeh, bahwa hak ademi aropa’agi sittung dusah dse pagi’ bekal dimintai pertanggung jawa di hadapan Alloh swt, milanah derih ka’dintoh ngereng kauleh sadejeh pajember ateh palapang dedeh ka-anggui patang saporah, je’ sampe’ e-antaranah kauleh sadejeh deddih calaka’ amarkeh sala sittungah tak nyaporah.
Hadirin para rabbu se-beden kauleh amolje’aki.
Se-keng-bingkeng beden kauleh nyo’on de’masyarakat ka’dintoh, mabih tapanggi sareng beden kauleh eka’ dimmah saos nyo’on sapa’aki enggi.... tako’ guleh kalep otabeh loppah, pas tak nyapah kintoh benni keng sombong gi...., benni keng sombong.
Jukenan manabih madrasah ka’dintoh ki’ mondudeh guru tugas derih Ponduk Pasantren Assirojiyyeh, kuleh aduweh de’ Pangeran malar mander kengengah guru tugas se-langkong sae katembeng beden kauleh, sae derih elmonah otabeh pola tengka.
Namong saka’dintoh derih beden kauleh, sala-lopodeh nyo’on saporah se-rajeh-rejeh epon. Akherah: Tsummas-salamu’alaikum wa rohmatullohi wabarokatuh.
